Ирақта кеше Саддам Хұсейнның адвокаттарының бірі Хамис Әл-Обейди өлтірілді. Полиция киімін киген адамдар оны алдымен Бағдадтағы үйінен ұрлап кеткен. Хамис Әл-Обейди зұлмат айыбы бойынша сотталып жатқан Саддам Хұсейн мен оның жақын туысы Барзан Ибрағимның мүддесін қорғап жүретін. Саддам Хұсейнның бас адвокаты Халил Әл-Дұлайми радиомызға берген сұхбатында қылмысты Ираннан келетін террористер жасады деп айыптады. Саддам Хұсейнның соты былтыр қазан айында басталғалы бері осымен үшінші адвокат өлтірілді.
