Куба аралында орналасқан Гуантанамо америкалық әскери түрмесінен Сауыд Арабияның 14 азаматы шығарылды. АҚШ қорғаныс министрлігі олар үйлеріне жіберілді деп мәлім етті. Гуантанамо түрмесінде әлі 450 шақты тұтқын отыр, олар терроризм күдігі бойынша соғыс алаңдарында ұсталған. АҚШ қорғаныс министрлігі олардың ішінде 120 азамат не босатылуы мүмкін, не басқа елдерге жіберілуі мүмкін, бұл жайында басқа мемлекеттермен әңгіме жүріп жатыр деді.
