ТЕЛЬ-АВИВ. Израиль өзінің жауынгерін тұтқында ұстап отырған палестиналық жаугер топтардың қойған шартын бүгін тағы да қабылдамай қайтарды. Жаугер топтар осыдан 1 аптадай бұрын өзі ұстап алып кеткен еврей жауынгері туралы ақпардың орнына Израильден өз түрмелерінде отырған әйелдер мен кәмелетке толмаған балаларды босатуды талап еткен болатын. Израильдің қорғаныс министрі Эмир Перец тұтқындағы өз жауынгерінің тағдыры үшін Израиль Сирияны жауапты деп есептейтінін мәлімдеді.
