Түркіменстан газ құбыржолын жөндейміз, сондықтан 25 шілдеден бастап Ресейге газ жөнелтпейміз деп хабарлады. Жөндеу жұмысы сегіз күн жалғасады делінді. Түркіменстан газды Ресейге Өзбекстан және Қазақстан арқылы, "Орталық Азия-Орталық-4" құбыржолы арқылы тасымалдайды. Құбыржолдағы қызметті Ресейдің "Газпром" компаниясы басқарады, жөндеу "Газпром" бұйымтайы бойынша жасалады, - деді Түркіменстан мұнай және газ министрлігі. "Орталық Азия-Орталық-4" құбыржолы арқылы жылына 44 миллиард текше метр газ тасымалдауға болады.
