АҚШ-та орналасқан Пи-Ай-Эн-Ар бейүкіметтік зерттеу ұйымы Орталық Азияда шешілмей жатқан су даулары аймақта одан сайын тұрақсыздық қоздыруы мүмкін деп жариялады. Америкалық ұйым Орталық Азия су қорларының 90 пайызынан астамы Қырғызстан мен Тәжікстанда қалыптасады, ал Қазақстан мен Өзбекстан су қорларының негізгі тұтынушылары боп табылады дейді. Бірақ су даулары шешілмей жатыр, аймақта онсызда шекара даулары бар, жалпы тұрақсыздық пен шешілмей жатқан проблемалар кедейшілікті, авторитарлық билікті және діни экстремизмді арттырып отыр, дейді Пи-Ай-Эн-Ар ұйымы.
