Бүгін Қабулдағы Ауғанстанның Ішкі істер министрлігі жанында жанкештілік шабуыл болып, кемінде 12 адам қаза тауып, 45-і жарақат алды. Полицияның хабарлауынша, көлігіне бомба қойып алған жанкешті жарылысты қызметкерлер жұмысқа келіп жатқан кезде жасаған. Дәрігерлер жарақат алғандардың көбісі ауыр халде екенін айтып, құрбан болғандар қатары әлі де өсуі мүмкін деген.
