МАДРИД: Испанияның солтүстік-шығысындағы екі ауылдың жергілікті басшылығы мұсылмандардың ар-намысына тимес үшін дәстүрлі мерекесінің бағдарламасын өзгертуге бел буды - Мұхаммед пайғамбарды бейнелейтін қуыршақты өртеу ғұрпы жойылды. Бұл әдет-ғұрып – Испания жеріндегі христиандар мен мұсылмандардың сонау орта ғасырлардағы өзара соғысқан дәуірінен келе жатқан көрінеді. Еуропа баспасөзінде Мұхаммед пайғамбарды келемеждейтін суреттердің жарық көруі және Рим Папасы 16-ншы Бенедиктің таяуда айтқан сөзі мұсылмандардың ар-намысына тиген соң, жергілікті билік әлгі ғұрыпты өзгертуге бел буды.
