Қауіпсіздік Кеңесі мәлімдемесінің міндеттеу күші жоқ, дегенмен Солтүстік Корея ядролық сынағын жасаса шараға тап болады деп ескертілді. Ол қандай шара болуы мүмкін екені қаулыда көрсетілмеді. Қауіпсіздік Кеңесінің президенті Кензо Ошима Солтүстік Корея халықаралық қауымдастыққа құлақ аспаса мұның салдары қатты болады деп сипаттады. АҚШ-тың осы ұйымдағы елшісі Джон Болтон Солтүстік Корея ядролық сынағын жасайтын болса "әлем мүлдем өзгереді" деп ескертті.
