Құқық қорғаушы белсенділер мен журналистер өз әріптестері марқұм Анна Политковскаяның өлімі туралы Ресей президенті Владимир Путиннің айтқандарына ашулы екендіктерін білдірді. Сейсенбі күні Дрездендегі баспасөз мәслихатында Путин Анна Политковскаяны өлтірген адам жазасын алады дей келе, бірақ Ресейдің саяси өміріне бұл журналистің ықпал ету мүмкіндігі өте аз болды деп айтқан. Қазанның 7-сі күні журналист әрі құқық қорғаушы белсенді Анна Политковскаяны біреулер үйіне лифтімен көтеріліп бара жатқанда атып кеткен.
