БРЮССЕЛЬ: Еуропа Одағының басшылығы Сербияның жуырда ғана референдум арқылы қабылдаған жаңа конституциясын “қарама-қайшы” деп бағалады. Жаңа конституцияның Косово өлкесін Сербияның “бөлінбейтін құрамдас бөлігі” ретінде көрсеткен тармағы Еуропа Комиссиясының күдігін туғызып отыр. Еурокомиссияның өкілі референдумға Косово халқының басым көпшілігін құрайтын албандардың мүлде қатыспағанына және олардың тіпті сайлаушылардың тізіміне жазылмағанына ерекше назар аударды.
