МӘСКЕУ: Ресейдің Газпром компаниясы Грузияға сататын газының бағасын 2 еседен де жоғары көтеруді жоспарлап отырғанын мәлімдеді. Газ монополисінің өкілі Денис Игнатьевтің хабарлағанындай, Газпром Грузиядан келесі жылдан бастап 1 мың текше метр газына 230 доллар төлеуін талап етеді. Қазір Грузия 110 доллар төлеп отыр. Ресей мен Грузия арасындағы қарым-қатынастың тығырыққа тіреліп тұрған сәтінде, Газпром осындай ұсыныс жасап отыр.
