Өз елінің Ауғанстанмен шекарасына бақылауды күшейтуді қалайтындығын Пәкістан Сыртқы істер министрі Хуршед Касури айтты. Осы арқылы Талибан жауынгерлерінің Ауған жеріне өтуін тоқтатпақшы. Бұл ұсыныс Голландия Сыртқы істер министрі Бернард Ботпен кездесуі кезінде айтылды. Аталған сауалды Ауғанстанда жасағы тұрған НАТО-ға мүше өзге де елдермен ақылдасатындығын Бот айтты.
