Еуропадағы қауіпсіздік және ынтымақтастық ұйымы Әзірбайжанда баспасөз еркіндігі одан сайын қысқарып жатыр деп алаңдаушылық танытты. Халықаралық ұйым Әзірбайжан үкіметі журналистерді қорғаса жөн дейді, Әзірбайжан үкіметі "Азаттық", "Америка дауысы", ББС сияқты шетел бұқаралық ақпарат құралдарының хабарларын қысқартты деп сын айтты. Әзірбайжан үкіметі "Азадлық" оппозициялық газетінің қызметіне қауіп төндірді, кеңсе ақысының төлемдері заңсыз жасалған деген айып тағылды дейді Еуропадағы қауіпсіздік және ынтымақтастық ұйымы.
