БАҒДАД: Сонымен қатар Ирақта С.Хусеиннің 2 үзеңгілесін дарға асуға дайындалу үстінде. Араб телеарналарының хабарлауынша, Саддамның жақын туысы әрі бұрынғы барлау қызметінің басшысы Барзан Ибраһим мен бұрынғы Төңкерісшіл соттың төрағасы Ауад Хамид Әл-Бандар ертең – 4-інші қаңтар күні дарға асылуға тиіс. Ассошиэйтед Пресс агенттігі Ирақ үкіметінің аты-жөнін атамаған шенеунегінің осыны растайтын пікірін келтіреді. Алайда, Ирақ премьер-министрі Нұри Әл-Мәликидің жоғары лауазымды кеңесшісі дарға асудың нақты күні әлі тағайындалмағанын мәлімдеді.
