Ресей мен Қытайдың Біріккен Ұлттар Ұйымы Қауіпсіздік Кеңесіндегі елшілері Мыянмар мемлекетінде адам құқықтарын қорлау тоқтатылсын деп талап қылған қаулы жобасына вето жариялап, тоқтатып тастады. Ресей мен Қытай вето құқықтарын соңғы рет мұның алдында 1972 жылы қатар пайдаланған еді. Ресей мен Қытай елшілері Мыянмар мемлекетіндегі жағдай халықаралық қауымдастыққа қауіп төндіріп тұрған жоқ дейді, Америка Құрама Штаттары кіргізген қаулы жобасы Қауіпсіздік Кеңесінің өкілеттігіне жатпайды дейді. АҚШ елшісі бұған өкініш танытты.