Сауд Араб елінің Мекке қаласындағы келіссөздер нәтижесінде Палестиналық бақталас топтар - Фатх пен Хамас Ұлттық бірлік үкіметін құру жөніндегі келісімге қол қойды. Палестина президенті Махмұд Аббас пен биліктегі Хамас партиясының жетекшісі Халед Машал Палестинадағы топтық жанжалдарды тоқтату үшін алдымен үкіметтегі билік орындарын тең және әділетті негізде бөлісуге, сондай-ақ коалициялық үкіметтік басқару жүйесіне келісті.
