АШХАБАД: Түркіменстаннның жаңа президенті Гурбангули Бердімұхаммедов елдің жаңа үкіметін жасақтап болып, үкіметтің барлық мүшесін лауазымдарына 6 айлық сынақпен тағайындады. Мемлекеттік баспасөз құралдарының хабарлауынша, өткен жылдың желтоқсанында қайтыс болған С.Ниязовтың үлгі-өнегесі бойынша Бердімұхаммедов те премьер-министр міндетін қоса атқарады. Жаңа министрлермен өткізген мәжілісінде президент Г.Бердімұхаммедов: “үкіметтің ең басты міндеті – зор қиындықпен қол жеткен киелі тәуелсіздікті қорғау болып табылады” деп мәлімдеді.
