ЛОНДОН: Бүгін Лондонда Еуропаның ең басты 4 қаласы болып табылатын Лондон, Париж, Берлин және Мәскеу қалаларының әкімдері кездесуге тиіс. 2 күндік бас қосудың қарсаңында Мәскеу әкімі Ю.Лужков Ресей астанасында гейлердің шеруін өткізуге тырысқан кез-келген әрекетке бөгет қоюға ант беріп, онысы қарама-қайшы пікір туғызған болатын. Гейлердің құқын қорғаушылар Ю.Лужковқа наразылық білдіруін сұрап Лондонның мэрі Кэн Ливингстоунға және өздерінің гомосексуал екендерін жасырмайтын Париж бен Берлиннің әкімдеріне хат жолдады. Дүйсенбі күні Ресей гейлері өздерінің шерулерін “сайтанның ісі” деп атағаны үшін Ю.Лужковтың үстінен сотқа шағымданды.
