САРАЕВО: Боснияның мұсылмандары мен хорват лидерлері Гаагадағы Халықаралық трибуналдың Босниядағы геноцид саясаты үшін Сербияны жауапкершіліктен босатқан Қаулысына наразылықтарын білдірді. Дүйсенбі күні Гаага соты 1995-інші жылы Босния сербтерінің Сребреницадағы 8 мыңдай мұсылманды жаппай қыруын “геноцид” актісі деп мойындады, бірақ оған Сербияның тікелей қатысы жоқ деген Қаулы шығарды. 1992-1995-інші жылдардағы “Босния соғысынан” аман қалғандар Гаага трибуналының Қаулысына наразылық білдірді.
