ТАЛЛИНН: Бүгін Таллиннде Эстония полициясы “Азат етуші совет жауынгеріне” қойылған ескерткішке ешкімді жібермеу үшін қоршап алды. Қазір ескерткішті бұзуға және совет жауынгерлерінің сүйектерін қала орталығынан басқа жерге жерлеуге әзірлік жүріп жатыр. 1 апта бұрын Эстонияның қорғаныс министрі ескерткішті бұзуға бұйрық берген болатын. Ресейдің сыртқы істер министрлігі эстон үкіметінің мұндай әрекетіне үзілді-кесілді қарсылық білдірді.
