Cәрсенбі күні Парламент палаталарының бірлескен отырысында Қазақстан Президенті Нұрсұлтан Назарбаев ел Конституциясына енгізілетін өзгертулерді жария етпекші. Өзгерістер президент өкілеттігінің бір бөлігін парламентке беру, парламентті сайлау жүйесі, саяси партиялардың рөлі, жергілікті өзін-өзі басқарудың рөлін арттыру, құқық қорғау жүйесін жақсарту, және адам құқықтары мен бостандықтары кепілдігін дамыту мәселелеріне қатысты болады. Бұл туралы Назарбаев дүйсенбі күні хабарлады.
