ПАРИЖ: Франциядағы кеше болып өткен парламент сайлауында президент Н.Саркозидің оңшыл-центристік “Халық қозғалысы үшін Одақ” партиясы үлкен басымдықпен жеңіске жетті. Ресми қорытынды бойынша, Саркозидің партиясы 577 депутаттық мандаттың 314-ін алады. Премьер-министр Франуса Фийонның пікірінше, бұл нәтиже - президенттің елді қайта жаңғырту жоспарын халықтың басым көпшілігі қолдайтынын көрсетіп берді. Оппозициядағы Социалистік партия күткендегіден едәуір көп дауыс жинап, 185 мандат алатын болды.
