МИНСК: Беларуссияда сыбайластық жемқорлыққа қатысты тағы бір зор қылмыстық іс қозғалды. Мемлекеттік “Белнефтехим” мемлекеттік кәсіпорнының бұрынғы басшысы Александр Боровскийге “мол қаржыны жымқырды”, “қызмет бабын асыра пайдаланды” және “мемлекеттік құпияны жария етті” деген айыптар тағылып отыр. Беларусь Бас прокурорының мәлімдеуінше, бұл қылмыстар мұнай өнімдерін сатып алу барысында орын алып, мамыр айының соңында Боровскиймен бірге бірнеше жоғары лауазымды шенеунек ұсталған. Беларуссияда көп қаржыны жымқырған қылмыс үшін ғана бүкіл мүлкі тәркіленіп, 12 жылға дейін түрмеге жабылады.
