АҚШ пен НАТО жетекшілігіндегі күштердің “Талибанға” қарсы әуе шабуылынан ондаған қарапайым ауғандық құрбан болды. Шайқас жұма күні Талибан соғысушылары Ауғанстанның оңтүстігіндегі Хелманд өлкесінде бірлескен АҚШ пен Ауған әскери көлігіне шабуыл жасамақшы болғанда басталған. Кейбір жергілікті үкімет ресмилерінің айтуынша, 65-ке жуық қарапайым тұрғын қаза тапқан, олардың арасында әйелдер мен балалар да бар. Сонымен қатар, 35 бүлікші өлтірілді деп хабарланды.
