СОФИЯ: Еуропаның бірқатар елі бұрын-соңды болмаған аптап ыстықтан жапа шегуде. Дүйсенбі күні Болгарияның бірқатар ауданында ауаның температурасы 45 градусқа көтерілді. Өткен тәулікте Румынияда аптап ыстықтан 3 адам көз жұмды. Грекияда орман-тоғайлар өртеніп, төтенше жағдай жарияланды. Ал осы кезде Ұлыбританияның оңтүстігінде соңғы 60 жылдағы ең ірі су тасқыны болып, талай аудан су астында қалып, мыңдаған халық көшірілді.
