ВАШИНГТОН: Иранның ядролық бағдарламасы мен ресми Теһранның үнемі Израильге қырғиқабақ көрсетуі – бүкіл әлемге төнген төтенше қатер. АҚШ президенті Дж.Буш осылай деп есептейді. Кеше Вашингтонда өткізген баспасөз-маслихатында Дж.Буш Иранның Ираққа деген ықпалын “берекесіз” деп бағалап, онысы үшін Теһран жауап беруге тиіс деп ескертті. Сонымен қатар АҚШ президенті Ирақ премьер-министрі Нұри Әл-Мәликиді Иранмен онша жақындаспауға шақырды.
