БАКУ: АҚШ-тың әскери мамандары Әзірбайжандағы Габала радар жүйесімен танысты. Габаладағы радар бекетін Ресей зымырандық шабуылдан қорғау жүйесінің элементтерін Орталық Еуропаға орналастыруды көздеген АҚШ-тың жоспарына “балама” ретінде ұсынып отыр. АҚШ генералы Патрик О`Рейли Ресейдің радарлық жүйесі Американың қорғаныс жүйесінен қаншалықты артық жұмыс істейтінін саралап көру керек деп мәлімдеді. Ресми Мәскеу Вашингтонға радар жүйесінің бөлшектерін Польша мен Чехияға орналастыру жоспарынан бас тартып, Габала бекетін бірлесіп пайдалануды ұсынып отыр.
