Ауғанстан президенті Хамид Қарзайдың кеңсесі кей Талибан соғысушылары арасында қару-жарақтан бас тарту туралы “маңызды талқылаулар” өтіп жатыр деп хабарлады. Хамид Қарзай Талибан жетекшісі Муллаһ Омармен кездесіп, бейбітшілік үшін оларға үкіметте орын беруге дайын екенін айтты. Қарзайдың баспасөз-хатшысы Хумаюн Хамидзаданың мәлімдеуінше, соғысушылар Ауғанстан конституциясын қабылдауы тиіс. Ал Талибан баспасөз-хатшысы АҚШ пен НАТО күштері елден кетпейінше тәліптер “ешқашан” Ауған билігімен келіссөз өткізбейді деп хабарлады.
