Атом энергиясы бойынша халықаралық МАГАТЭ агенттігінің директорлар басқармасы бүгін Венада екі күндік жиналысын бастайды. Кездесуде МАГАТЭ басшысы Мохаммед Әл-Барадейдің өткен аптадағы Иранның ядролық бағдарламасына қатысты баяндамасы талқыланады. Ол баяндамада Иран өзінің ядролық бағдарламасы төңірегіндегі сауалдарды айқындап беру үшін маңызды қадамдар жасады бірақ БҰҰ-ның талабына қарамастан Теһран уран байыту жұмыстарын кеңейтіп жатыр делінген.
