Пәкістан халық партиясының бүгін айтуынша, осы зерттеу арқылы ғана Беназир Бхутто өлімінің шынайы себебі айқындалмақшы. Бұл жағдайды зерттеуге Британия полициясының көмектесетіндігін қаңтардың 2-сінде президент Первез Мушараф айтқан еді. Парламенттік сайлауды қаңтардың 8-інен ақпанның 18-іне шегеру жөніндегі үкімет шешімін де оппозициялық партиялар сынаған болатын. Дей тұрғанмен кейінге қалдырылған сайлауға қатысатындықтарын да олар айтты.
