Ирақ үкіметі мен Құрама Штаттар Түркияның Ирақтағы күрд көтерілісшілеріне қарсы операциясын аяқтағанын оң қабылдады. Түркия әскері Ирақтың солтүстігіндегі бұл Күрд Жұмысшылар партиясы партизандарына қарсы операциясын бір апта бұрын бастап, кеше аяқтаған. Олар бұл шабуылдарында 240-дай күрд жасағын өлтірдік деп отыр. Және қақтығыстарда түркиялық 27 әскер мерт болған. Ирақ президенті Жалал Талабани, бұл әскери операцияның аяқталуы Түркияның шабуылдар шектеулі әрі уақытша болады деген мәлімдемесінің шындыққа жанасатынын көрсетеді деген.
