АЛМАТЫ: Таяуда Астана қаласындағы соттың шешімімен жабылған «Закон и правосудие» газетінің бұрынғы бас директоры Тоқберген Әбиевке 16-ншы наурыз күні Астанадағы өз үйінің алдында қастандық жасалды. Бүгін Алматы қаласында өткізген баспасөз-маслихатында осы күні Қазақстанның сот жүйесі мен жалпы жоғары билік жүйесіндегі парақорлық пен сыбайластық жемқорлықты әшкерелейтін “Антикоррупционный вестник” атаулы апталық газетін басқаратын Т.Әбиевтің өзі осылай деп мәлімдеді. Ол әлгі қастандықты өзінен кек алуды аңсап жүрген сот жүйесінің басшылары ұйымдастырды деп мәлімдеді.
