Бүгін Ауғанстанның үкіметтік комиссиясы өткен аптадағы Нангархар провинциясындағы әуе шабуылында үйлену тойына бара жатқан 47 адам құрбан болған, олардың 39-ы балалар мен әйелдер деп айтты. Бұның алдында АҚШ әскерилері өткен жексенбі күнгі әуе шабуылы бүлікшілерді көздеген болатын, онда қарапайым тұрғындар қаза болған жоқ деп мәлімдеген-ді. Бұл істі тергеп-тексеретін үкіметтік комиссияны Нангархарға Ауғанстан президенті Хамид Қарзай жіберген болатын.
