Тараздағы кабельдік теледидар желісі компаниясының талап арызын қараған Тараз қаласындағы ауданаралық мамандандырылған сот «Тараз-Таймс» газетінің есеп-шотын тұтқындау туралы шешім шығарды деп хабарлайды «Әділ сөз» қоғамдық қоры. Қазақстандағы кабельдік теледидар қызметін көрсететін компаниялар авторлық құқықтарды сақтамайтыны жайында республикалық «Караван» апталығында жарық көрген мақаланы «Тараз-таймс» газеті көшіріп басқан соң, Тараздық компания әлгі мақаладан кейін 1,5 мыңнан астам тұтынушыдан айырылғанын айтып, «Тараз-Таймсты» сотқа берген болатын.
