Украинаның батысында қатты жауған нөсерден болған су тасқыны 13 адамның өмірін әкетті. Тағы 7 мыңдай адам басқа жаққа көшірілді. Украинаның Төтенше жағдайлар министрлігі Румыниямен шекаралас бұл аймақтағы 21 мың үй су астында қалғанын айтып отыр. Днестр су қоймасы суға толып, көп судан бөгесіндердің бұзылу қаупі туып тұр, деп ескертеді Төтенше жағдайлар министрлігі.
