Алматыдағы Медеу аудандық соты депутат Роман Мадиновтың талабын біршама қанағаттандыру жөнінде жұма күні шешім шығарды. Мадинов өз ар-ожданына нұқсан келтірді деп "Тасжарған" газеті мен оның тілшісі Алмас Көшербаевті сотқа берген болатын. Сот шешімімен депутат талап еткен 300 миллион теңгенің орнына, газет пен журналист бірлесе отырып, үш миллион теңге айыппұл төлеуі тиіс. Сондай-ақ сот осы дауға негіз болған “Бедный латифундист” мақаласын жоққа шығаратын мақала жариялауға газетті міндеттеді.
