Бұл туралы мәлімдеген ҚР Бас прокуратурасының ресми өкілі Сапарбек Нұрпейісовтің айтуынша, тексеру кезінде Kazakhstan Processing Centre АҚ-на делдалдық ұйымдар ақылы сатылған талоннан 33 млн 934 мың теңге қаржы түскен. Белгіленген тәртіп бойынша тектен текке жинап алынған бұл ақшаны азаматтарға қайтару туралы мәселе қойылды.
«Осы уақытқа дейін құзырлы орындар талонның берілуін ресми түрде тоқтатпағанымен, дайындалып, таратылған талондар ІІМ мен Мемлекеттік стандарт бекіткен техникалық параметрлерге сай емес болатын», — деді С. Нұрпейісов.