Ауған ресмилерінің айтуынша, елде орын алған бірқатар шабуылдардан кемінде 27 адам қаза болған. Олардың басым бөлігі қарапайым азаматтар деп хабарланып отыр. Елдің оңтүстігіндегі Забул өлкесінің Шамолзай ауданында болған бомба жарылысынан 12 адам қаза тапты. Сонымен қатар дүйсенбі күні Лагман өлкесінде орын алған жанкештілік шабуылдан жергілікті әкім мен оның 3 күзетшісі және 3 адам опат болды. Ал бұл екі арада Забул аймағында Талибан бүлікшілері қауіпсіздік компаниясының көлігіне шабуылдап, 6 күзетші мен екі адамды өлтірді.