Босняның жоғалған азаматтарға қатысты комиссиясы өкілі Лейла Ченгичтің айтуынша, 1995 жылы құрбан болғандардың бұл қабірханасы Власеница қаласына жақын жерде екен. Әзірге 9 адамның мәйіті табылған. Ресмилер тағы 20 адамның мәйіті табылуы мүмкін деп отыр. Аршу жұмыстары тағы бірнеше күнге созылмақшы. Босниялық серб әскері 1992-95 жылдары, Сребреницада шамамен 8 мыңдай мұсылман ерлер мен балаларды өлтірген болатын.
