"Хезболла" мүшелері ЦРУ-мен ынтымақтасқанын айтқан

"Хезболла" жетекшісінің айтуынша, ливандық шииттер тобының мүшелері АҚШ-тың Орталық барлау агенттігіне тыңшылық жасағандарын мойындаған.

Теледидардан жасаған мәлімдемесінде Шейх Хасан Насралла Бейрут қаласындағы АҚШ елшілігінде Орталық барлау агенттігінің қызметкерлері "Хезболланың" кемінде екі мүшесін өздеріне тыңшы етіп алған деп хабарлады. Оның айтуынша, тыңшылық желісінің құрылуы АҚШ-тың одақтасы - Израильдің өтініші бойынша ұйымдастырлыған.

АҚШ елшілігі "Хезболла" жетекшісінің мәлімдемесін жоққа шығарды.