Лондонда орналасқан Legatum Institute ұйымы түзген әлем елдерінің 2013 жылға арналған көркею индексінде (Prosperity index) Қазақстан 47-орында аталды. Индекс жыл сайын 142 елдегі азаматтардың әл-ауқаты, денсаулығы мен өздерін бақытты сезіну көрсеткіштеріне негізделіп түзіледі.
Көркею индексіндегі алғашқы бес орынды Норвегия, Швейцария, Канада, Швеция және Жаңа Зеландия иеленген. АҚШ бұл тізімде 11-орында тұр.
Legatum Institute басшысы Джеффри Гедминнің айтуынша, соңғы бес жылда әлем тұрғындарының әл-ауқаты үздіксіз жақсара түскені байқалады. Ұйым әсіресе кәсіпкерлікпен айналысу, денсаулық сақтау және білім беру салалары жақсара түсті деген тұжырым жасаған.
Постсоветтік елдер арасында Беларусь - 58, Ресей - 61, Өзбекстан - 63, Украина 64-орынды иеленген.
Көркею индексіндегі алғашқы бес орынды Норвегия, Швейцария, Канада, Швеция және Жаңа Зеландия иеленген. АҚШ бұл тізімде 11-орында тұр.
Legatum Institute басшысы Джеффри Гедминнің айтуынша, соңғы бес жылда әлем тұрғындарының әл-ауқаты үздіксіз жақсара түскені байқалады. Ұйым әсіресе кәсіпкерлікпен айналысу, денсаулық сақтау және білім беру салалары жақсара түсті деген тұжырым жасаған.
Постсоветтік елдер арасында Беларусь - 58, Ресей - 61, Өзбекстан - 63, Украина 64-орынды иеленген.