9 ақпанда БҰҰ күштері мен сириялық "Қызыл жарты ай" ұйымы үкімет әскері қоршауға алған Хомс қаласынан арасында негізінен әйелдер мен қарт кісілер бар 600-ге тарта адамды шығарды. Хомстан бейбіт тұрғындар үш күндік бітімнің екінші күні шығарылып отыр. Бітімде көрсетілген мерзім бүгін аяқталады.
Хомстан түсірілген видеожазбаларда адамдарды бейтарап аймақпен тасымалдап бара жатқан БҰҰ көліктері байқалады. Қаланың қалған бөлігінде атыс дауысы естіледі.
Сирияда президент Башар Асадты қолдайтын үкімет әскері көтерілісшілер бекінген қаланы қоршап тұрғанына бір жылдан асты.
Бүгін Женевада Сирия билігі мен оппозициясы арасындағы келіссөздер қайта жалғасуы тиіс.
Хомстан түсірілген видеожазбаларда адамдарды бейтарап аймақпен тасымалдап бара жатқан БҰҰ көліктері байқалады. Қаланың қалған бөлігінде атыс дауысы естіледі.
Сирияда президент Башар Асадты қолдайтын үкімет әскері көтерілісшілер бекінген қаланы қоршап тұрғанына бір жылдан асты.
Бүгін Женевада Сирия билігі мен оппозициясы арасындағы келіссөздер қайта жалғасуы тиіс.