Зерде

1920 жылы 26 маусымда Қазақ автономиялы советтік социалистік республикасын құру және оның территориясын белгілеу туралы декрет ресми түрде күшіне енген болатын. 1917 жылы құрылып, 1991 жылы 26 желтоқсанда құлаған совет өкіметі Қазақстанда 70 жыл бойы үстемдік құрды, яғни совет өкіметі Қазақстанда 1991 жылы Қазақстан мемлекеттік тәуелсіздігін алғанға дейін салтанат құрды. Тарихшылардың айтуынша, совет өкіметі - қазақ халқының ондаған пайызын қырғынға ұшыратқан, дәстүрлі экономикасын бұзған, ұлттық танымынан ажыратқан, ұлттық зиялыларды жазықсыз атқан қанды өкімет болған. Алайда, совет өкіметінің Қазақстанға тигізген оң әсері де болды деген пікірлер де бар. Десе де, саясаттанушылар, совет өкіметі Қазақстанға экономикалық, әлеуметтік тұрғыдан жағдай жасағанымен, оның құны қазақ үшін тым қымбатқа түскенін қазақ халқы ұмытпауы тиіс екенін айтады.