Қазақтар - әлемде

Жақында Азаттық радиосының тілшісі Есенгүл Кәпқызы Қытайдың Үрімжі аймағына сапарлап қайтқан еді. Жалпақ есеппен жобалап алғанда Үрімжіде 150 мыңдай қазақ тұрады екен. Олардың көбі Қазақстаннан келген журналистерге сұқбат бере бермейді, сонда да болса Үрімжі мен Күнгес аймағындағы қазақтардың тұрмыс-тіршілігімен танысып, тілшіміз сондағы көрген-білгендері мен естігендерін осы хабарға арқау еткен екен. Хабарда жергілікті қазақтардың ән-жыры мен күйлерін де тыңдай аласыз. Қытайдағы қос тілділік кесірінен ұрпағымыз қытайланып барады деп алаңдап отырған Қытай қазағының бүгінгі тұрмысмен сіздер де таныса отырыңыздар.