Уақыт бедері

Қазақстан парламентінің сайлаудан кейінгі бірінші сессиясында, үкімет басшысы қайта сайланып, мәжіліс спикері тағайындалды. Сарапшылар Кәрім Мәсімовтың өз қызметінде қалатыны күтілген жайт екенін айтады. Саясаткерлер осы ауыс түйістердің барлығы да парламент жұмысын жақсартуға бағыттаса болғаны деп отыр. Жаңа сайланған депутат болса, бүгінгі отырыс кезінде өзгерістерді байқағанын айтты. Парламент мәжілісінің жалпы отырысында Қазақстан үкіметіне сенім білдірілді. Премьер-министр Кәрім Мәсімов өз қызметінде қалды. Саясаттанушы Расул Жұмалы бұл күтілген жайт болды дейді.  Расул Жұмалының сөзінше, бұл Үкімет жұмысының кемшіліктері аз емес. Ол парламентте тек сыртқы өзгерістер болды дейді. Саясаттанушының сөзінше, Қазақстандағы саяси аренадағы мәжіліс депутаттарының рөлі жоғары емес. Соңғы болған жаңалықтар  мемлекет саясатында өзгеріс болмайтынын көрсететді дейді. Ол өткен кезектен тыс парламент сайлауы қызығушылық туғызбағанын айтты. Азаттық радиосына хабарласқан Айжан Иманбаева сайлау барысында үлкен заңбұзушылыққа куә болған екен. Ол мұндай әділетсіздікті көргеннен кейін сайлау әділ өтті деп айтуға болмайтынын әңгімеледі.