Күнделікті бағдарлама

Жаңаөзен ісі бойынша Ақтауда өтіп жатқан сот дүйсенбі күні қайта жалғасты, сотты бақылап келген белсенділер айыпталып сотқа тартылып жатқандар айыпталушы емес, жәбірленуші дейді. Дүйсенбі күні Алматыда баспасөз мәслихатын ұйымдастырған оппозиция өкілдерінің бірі президент Назарбаевқа сенімсіздік білдіріп, импичмент жариялау керек десе, енді бірі  Іщкі істер министрі мен басқа да жоғары лауазымдылар орнынан кетсін деп талап ету қажет дейді. Евгений Жовтистің «Колония тұтқынының жазбалары» деген кітабының таныстырылымы болып өтті. Қазақстан халық банкінің қытайдың юань вальтасымен есеп айырыса бастауының сыры неде, экономистердің бұған көзқарасы қандай? Экономист, қоғамдық мәселелерді сараптау орталығының жетекшісі Меруерт Махмұтова Азаттыққа берген сұқбатында бұл Қытай экспансиясының ұлғайып бара жатқанын көрсететін белгінің бірі дейді. Қырғызстанда үкімет орнынан кетсін деген талап қойған оппозиция митингілері үш рет қатарынан болды, ендігі жеорде 18 сәуірде үкімет пен оппозиция бас қосатын болып шешті. Ал бұл аралықта оштық бір азамат митингілер шаршатты деген хат қалдырып, өзін-өзі өртеп жіберген. .