Үкімет бұқаралық ақпарат құралдарын қатаң бақылайтын Беларусьте бірнеше ақпараттық веб-сайттар бұғаттала бастады.
Желтоқсанның 21-інен Беларусьте жекеменшік "БелаПАН" агенттігінің үш веб-сайты мен "Солидарность" ақпараттық сайты және "Хартия-97" құқық қорғау ұйымының веб-сайты бұғатталған.
Ресми орындар бұғаттауға кім жауапты екеніне әзірге жауап берген жоқ. Бірақ "БелаПАН" агенттігінің хабарлауынша, веб-сайттардың IP адресін бұғаттауға тек билік қана пәрмен бере алады.
Өткен аптада Беларусь парламенті веб-сайттарды бұқаралық ақпарат құралдары деп танып, үкіметтің қажет деп тапса жабуына мүмкіндік беретін заң қабылдаған.
Заң келесі жылдан бастап күшіне енеді.
Беларусьте келесі жылдың қараша айында президент сайлауы өтпек.