Сенат төрағасы Қасым-Жомарт Тоқаев бүгін конституцияның 72-бабына сүйене отырып Конституциялық кеңеске конституцияның 41 бабы 3 тармағының мерзімінен бұрын президент сайлауын белгілеу туралы 1 бөліміне ресми түрде түсіндіріп беруді сұрады. Бұл туралы сенаттың ресми сайтында хабарланды.
Конституцияның 41 бабы 3 тармағының 1 бөлімінде кезектен тыс президент сайлауы президенттің шешімімен белгіленетіні және конституциялық заңдарда көрсетілген мерзім мен тәртіпте өткізілетіні айтылған.
Қасым-Жомарт Тоқаев бүгін сенат отырысында президент Нұрсұлтан Назарбаевтан Қазақстан халқы ассамблеясының елде биыл мерзімінен бұрын президент сайлауын өткізу туралы ұсынысын қолдауды сұраған.