Кванджуда (Оңтүстік Корея) өтіп жатқан XXVIII дүниежүзілік жазғы универсиада ойындарында қазақстандық спортшы Виктория Зябкина жеңіл атлетикадан 100 метрге жүгіруден алтын медальды жеңіп алды.
Ол бұл қашықтықты 11,23 секундта жүгіріп өтті. Күміс жүлдені ямайкалық Шимайра Кристал Уильямс (11.46), қоланы – ресейлік Елена Козлова (11.47) иеленді.
Универсиадаға 95 спортшымен қатысып жатқан Қазақстан құрамасында әзірге екі алтын, үш қола медаль бар. Осыған дейін жүзуден Дмитрий Баландин – алтын, дзю-додан Жанар Қашқын, стенд атудан әйелдер мен ерлер құрамасы командалық жарыста қола медаль алған.
Кванджудағы универсиада шілденің 14-і күні аяқталады.