Алматыда 1966 жылы туған екі әйел сауда орталығының шатырынан секіріп, қайтыс болды деп хабарлайды жергілікті агенттіктер.
Қалалық ішкі істер департаментінің баспасөз қызметінің жетекшісі Салтанат Әзірбектің айтуынша, апалы-сіңлілі екі әйел 9 қарашаға қараған түні Райымбек пен Сүйінбай даңғылдарының қиылысында орналасқан "Мерей" сауда орталығының шатырынан секіріп кеткен. Екі әйел жарақатынан оқиға орнында көз жұмған. "Қазір тергеушілер оқиғаның мән-жайын анықтап жатыр. Алдын ала болжам бойынша, әйелдер өз-өзіне қол салған" деген Әзірбек.